७ फाल्गुन, २०८१ ।

भक्तपुर । जिल्ला ट्राफिक प्रहरी परिसर भक्तपुरले सडक खण्डमा दुर्घटना न्यूनीकरण गर्न तीब्र गति नियन्त्रणको प्रयास थालनी गरेको छ । जिल्ला ट्राफिक प्रहरी परिसर भक्तपुर र मध्यपुर थिमि नगरपालिकाको ब्यबस्थापनको संयोजनमा गति सम्बन्धि जनचेतना एवं सूचनामूलक बोर्डहरु राखिएको जिल्ला ट्राफिक प्रहरी परिसर भक्तपुरका प्रमुख प्रहरी निरीक्षक प्रदीप खत्रीले जानकारी दिनुभयो ।

हिजो मंगलबार निकोसेरा चोकदेखि मनोहरा पुलसम्म २० ठाउँमा गति सम्बन्धि जनचेतना एवं सूचनामूलक बोर्डहरु राखिएको उहाँले बताउनुभयो ।

”यो रुटमा प्रतिघण्टा ४० किमी भन्दा बढी गतिमा सवारी साधन चलाए कारबाही हुन्छ ।” ट्राफिक प्रहरी प्रमुख खत्रीले बताउनुभयो ।

जिल्ला ट्राफिक प्रहरी प्रमुख खत्री भन्नुहुन्छ , नियमाअनुसार तिब्र गति हुने फराकिला सडकलाई ४० र बस्ती भित्र ३० प्रतिघण्टाको गति कायम गरिएको र छ लेन सडक र अरनिको राजमार्गमा भने प्रति घण्टा ५० किमीको गति निर्धारण गरिएको बताए । ट्राफिक प्रहरीले स्पिड जाँच गर्ने मेसिन राडार गनको प्रयोग गरेर तीब्र गतिमा सवारी साधन चलाउनेलाई जतिबेला पनि कारवाही गर्नसक्ने भन्दै जिल्ला ट्राफिक प्रहरी परिसरभक्तपुरले नियमानुसार गरी कारवाही र दुर्घटनाबाट सुरक्षीत रहन आग्रह गरेको छ ।

ट्राफिक कार्यालयको यस्तो सचेतनामूलक बोर्ड र चेकजाँचले तीब्र गति नियन्त्रण तथा दूर्घटना न्यूनीकरणमा सहयोग पुग्ने जिल्ला प्रहरी परिसर भक्तपुरका प्रमुख प्रदिप खत्री बिश्वास व्यक्त गर्नुभयो । सवारी कुदाउँदा सावधान रहन र ट्राफिक नियम पालना गरेर सवारी चलाउन आग्रह पनि गर्नु भयो ।