बुधबार, चैत १३, २०८१

काठमाडौं । नेपाल विद्युत् प्राधिकरकणको कार्यकारी निर्देशकबाट कुलमान घिसिङलाई हटाइएको विषय पेचिलो बनेपछि प्रतिनिधिसभाको बैठक स्थगित भएको छ । बैठक बिहीबार बिहान ११ बजेसम्मका लागि स्थगित गरिएको हो ।

आधा घण्टाका लागि स्थगित भएर चार घण्टापछि बसेको बैठकमा पनि विपक्षी दलले घिसिङलाई हटाइएको विषयमा प्रधानमन्त्रीले जवाफ दिनुपर्ने अडान कायम राखेका थिए ।

सभामुख देवराज घिमिरले बैठक सञ्चालनका लागि बसेर सहयोग अनुरोध गरेका थिए । तर, विपक्षी दलका सांसदले प्रधानमन्त्रीको जवाफका लागि रुलिङको माग राखे ।

त्यसपछि सभामुखले सांसद बसेपछि मात्रै रुलिङको प्रक्रिया अघि बढाउन सकिने बताए । तर, विपक्षी दलका सांसदले अडान नछोडेपछि सभामुखले बैठक स्थगित गरेका हुन् ।