सोमबार, चैत १८, २०८१
काठमाडौं।
प्रहरीका अनुसार, दुर्गा प्रसाईंलाई पक्राउ गर्न आदेश बेलुका ६ बजेपछि मात्र आएको थियो, जब प्रसाईं काठमाडौं कट्ने तरखरमा थिए ।
काठमाडौंको तीनकुने क्षेत्रमा दुर्गा प्रसाईंलाई प्रहरीले गाडीसहित नियन्त्रणमा लिइएपछि केही समयमै उनी फेरि उनि समर्थकहरूसँग सामेल भएका थिए, जसले प्रहरी संगठनभित्र गम्भीर प्रश्न उठाएका छन्। प्रसाईंलाई नियन्त्रणमा लिंदा माथिबाट आदेश किन दिइएन ?

प्रसाईंलाई नियन्त्रणमा लिएको केहीबेरपछि उनी तीनकुनेमा पुनः पुगे र केही समयसम्म आफ्ना समर्थकहरूसँग एक पसलको सटरमा बसे। त्यहाँ पनि प्रहरी अधिकारीहरूसँगै थिए। तर, अचानक उनी कसरी बाहिरिएरु भन्ने प्रश्नले प्रहरीलाई चकित बनाएको छ।

प्रसाईंले पुस्कर खतिवडाको निवासमा गएर फलफूल खाए, र त्यसपछि मोबाइल अफ गरेर भागेकोु आशंका गरिएको छ। उनले नेपालको मन्दिरमा छु भनेर एउटा भिडियो बनाएका छन्, तर प्रहरीको अनुमान छ कि त्यो मन्दिर भारतको हो।

प्रसाईंले मोटरसाइकलमा चढेर रातारात हेटौंडा हुँदै भारत पुगेको खबर छ। प्रहरीका अनुसार, उनलाई पक्राउ गर्न आदेश बेलुका ६ बजेपछि मात्र आएको थियो, जब प्रसाईं काठमाडौं कट्ने तरखरमा थिए ।
तीनकुनेको अराजक अवस्था प्रहरी संगठनले पहिल्यै आकलन गरेपनि आदेशको ढिलाइले स्थिति बिग्रिएको छ।
·