काठमाडौँ । नेकपा माओवादी केन्द्रका उपमहासचिव जनार्दन शर्माले सामाजिक सञ्जाल बन्द गर्ने सरकारको निर्णय गलत भएको बताएका छन् ।

आइतबार आयोजित एक कार्यक्रममा बोल्दै प्रतिनिधि सभा सदस्य समेत रहेका शर्माले आम जनमानसको मनोभावना नबुझेर सामाजिक सञ्जालमाथि प्रतिबन्ध लगाउनु गलत भएको बताएका हुन् । उनले सामाजिक सञ्जाल रमाइलो मात्र नभई जीवनसंग जोडिएको समेत बताए ।

सामाजिक सञ्जाल मनोरञ्जनको कुरा मात्र होइन,यससँग आर्थिक पाटो पनि जोडिएको छ । धेरै मानिसहरूले यसबाट रोजगारी सिर्जना गरिरहनुभएको छ । आम्दानी गरिराख्नुभएको छ । आज ती सबै बन्द भएको छ,ु शर्माले भने ।

उनले सामाजिक सञ्जालहरू दर्ता प्रक्रियामा भने आउनैपर्ने समेत बताए । उनले सामाजिक सञ्जालहरू करको दायरामा ल्याइनैपर्ने समेत बताए । सरकारले सामाजिक सञ्जाल बन्द गरेर नभई अर्को विकल्प अपनाएर दर्ता प्रक्रियामा ल्याउनुपर्नेमा त्यसो नगरिएको बताए ।

सकारात्मक बाटोबाट विभिन्न डाइलगहरू गरेर सरकार अघि बढ्नुपर्थ्यो ,त्यसो गरिएन,ुउनले भने । फरक प्रसङ्गमा बोल्दै शर्माले भ्रष्टाचार विरुद्ध सबैले सङ्घर्ष गर्नुपर्ने बताए ।

उनले भ्रष्टाचार नियन्त्रणका लागि सबैको सम्पत्ति छानबिन गर्नुपर्ने समेत बताए । जनताप्रति नेताहरू जवाफदेही हुनुपर्नेमा उनले जोड दिए ।