मगर राष्ट्रिय मुक्तिमेार्चा नेपाल रुकुम (पश्चिम)ले आयेाजना गरेकेा कार्यक्रममा झक्कुप्रशाद घर्तिमगर (अभियान)ले कुनै दललाई बोकेर सत्तामा लैजानका लागि मात्रै पनि मगर राष्ट्रिय मुक्ति मोर्चाको उदय नभएकेा बताएका छन्  ।

यो मोर्चा अरु पार्टी कांग्रेस एमालेले धेरैपछि (गणतन्त्र बहालीपछि मात्रै) आफ्नो पार्टीमा आस्था राख्ने मगर, गुरुङ, तामाङ आदि आदिवासी समुदायलाई बाँधी राख्ने र उनीहरूको भोट कब्जा गरी राख्ने उद्देश्यले खोलिदिएको संगठनजस्तो पनि होइन । यो मोर्चा त जनयुद्धले उत्कर्ष छुँदै गर्दा त्यसलाई साथ दिन र देशमा (समानान्तर) जनसत्ता सञ्चालन गर्न खोलिएको मेार्चा भएकेा दाबी गरेका छन् । यसले जनयुद्धलाई निर्णायक बनाउने सफल भूमिकामा यसको परीक्षा भइसकेको समेत बताएका छन् ।

कार्यक्रममा आफ्ना कुरा राख्दै अभियान भन्छन् ” पछिल्लो समय पार्टीभित्र सत्ताको खेलमा प्रवेश गरेको विभिन्न खालका अलमल्याइसँगै मोर्चामा समेत त्यो अलमल देखापरेको अवश्यै हो । पार्टीलाई सही मार्गनिर्देशन गर्न नसक्नु यसको ठुलो कमजोरी रह्यो । पार्टी जाग्दा जाग्ने र सुस्ताउँदा सुस्ताउने प्रवृत्ति पनि मोर्चाभित्र देखापरेकै हो । यसले त सिंगो पार्टी र नेतृत्वलाई निरन्तर खबरदारी गरिरहनुपर्दथ्यो । समाजवादी क्रान्तिका लागि जातीय र क्षेत्रीय मोर्चाहरूको अपरिहार्यता झन् बढेर गएको बेला देशको बदलिँदो राजनीतिक परिदृश्यमा अब यस मोर्चाको काँधमा झनै ठुलो जिम्मेवारी आइपरेको महसुस हुन्छ । पार्टिकेा निर्णय र मोर्चाले युद्धको मैदान छाड्नै हुँदैनथ्यो । युद्ध भन्ने हतियारले मात्रै गर्ने हो भन्ने मानसिकताबाट माथि उठेर नेपाली समाज परिवर्तनका लागि युद्ध त सधैँ अनिवार्य छ भन्ने तथ्य मोर्चाले अब बिर्सनु हुँदैन । मोर्चाको भूमिका अब आफूलाई र सिंगो मेार्चालाई समाजवादतर्फको सही बाटोमा हिँडाउनु नै मुख्य हुनुपर्नेछ । नवनिर्वाचित कार्य समितिले यही कुरामा सदैव चनाखो रहनुपर्ने आजकेा आबस्यक्ता हेा “।

पार्टी छेाडर गएका प्रभाकर प्रति लक्षित गर्दै अभियानले  भने “कुनै  व्यक्तिहरूलाई चामत्कारिक अगुवा मानेर समयलाई उल्टो धारमा बगाउने सक्दो कोसिस गरिरहेको छ । देखिने गरी अबको युद्ध गणतन्त्रवादी र राजतन्त्रवादीबिच हुने भएको छ तर नदेखिने गरी अग्रगमनका विरुद्ध लड्न–भिड्न निकै ठुलो शक्ति तयार भइरहेको छ । त्यस शक्तिलाई निस्तेज पार्न र अनेक थरीका भ्रम चिर्नका लागि मोर्चाले अहं जिम्मेवारी बोक्नैपर्ने  छ। यस्तो संक्रमणकालीन अवस्थामा गणतन्त्रलाई कमजोर हुन नदिन मोर्चाले बाह्य शक्ति र आफ्नै पार्टीभित्रका हरेक गलत प्रवृत्तिका विरुद्ध पनि परिआउँदा आफूलाई उभ्याउन सक्नुपर्नेछ । 

नेकपा माओवादी केन्द्रको पछिल्लो निर्णयका कारण अग्रगमन चाहने सबै यस पार्टीमा आबद्ध हुँदै जाने वातावरण देखापरेको छ । यसमा जातीय (खासमा राष्ट्रिय) र क्षेत्रीय संगठनहरूलाई ब्युँताउने उसको निर्णय पनि प्र्रभावकारी देखिएको छ । हिजो यसलाई नरुचाउनेहरू समेत देश नै ध्रुवीकरणमा पुगेको यस अवस्थालाई मनन गर्दै यो पार्टीमा झुकाव राख्न थालेका छन् ।

मुक्तिमेार्चाले दक्ष पुनकेा अध्यक्षतामा १७ सदस्यीय पदाधिकारी टिम गठन गरेकेा छ भने उपाअध्यक्षमा प्रकाश बुढामगर र सचिवमा लेाकबहादुर बाँठामगर रहेका छन् ।

कार्यक्रममा प्रमुख अतिथि नरबहादुर पुन , पहलसिङ घर्तिमगर , ईन्दिरा बिएम लगाएत अन्य नेताहरुले पनि धारणा प्रस्तुत गरेका थिए ।